Xəbərlər

Azərbaycanın dinamik avtomobil bazarında sahib olduğu mövqeyini hər zaman qorumağı bacaran Hyundai avtomobillərinin rəsmi distributoru "Auto Azərbaycan" şirkəti bu il 25 illiyini qeyd edir. 25 illik yubiley münasibəti ilə “Hyundai Azərbaycan” bütün Hyundai sahiblərinə hədiyyə olaraq xüsusi servis kampaniyası təqdim edir.

Belə ki, İyun ayının 30 -dək bütün Hyundai sahibləri rəsmi servis mərkəzlərinə ziyarət zamanı işçilik haqqına 25%, Ehtiyat hissələrinə isə 25% -dək endirim qazanacaq.

Kampaniya həm fiziki, həm hüquqi, həm də ticari avtomobil sahiblərinə şamil olunur.

Qeyd edə bilərik ki, uzun müddət rəsmi servisin üstünlüklərindən faydalana bilməyən zəmanətsiz Hyundai sahibləri üçün əla fürsətdir.

Daha ətraflı məlumat əldə etmək istəyən müştərilər (012) 989 çağrı mərkəzinə zəng edərək, suallarına cavab ala bilərlər.

"Auto Azərbaycan" şirkəti olaraq 25 il boyunca əldə etdiyimiz biznes uğurları ilə qürur duyur və bu uğurları əldə etməyimizə səbəb olan, bizə ehtimad göstərən müştərilərimizə təşəkkür edirik!

“Hyundai Azərbaycan” haqqında

“Hyundai” markasının Azərbaycandakı rəsmi distribyutoru “Auto Azerbaijan” şirkətidir. 1996-cı ildən bəri fəaliyyət göstərən şirkət Hyundai avtomobillərinin satışını, servis xidmətlərini və orijinal ehtiyat hissələrini təqdim edən yeganə rəsmi şirkətdir. Ölkəmizdə ilk avtomobil dilerlər şəbəsi olaraq fəaliyyətə başlayan “Hyundai Azərbaycan” hal hazırda 74000 -dən çox müştəri portfelinə sahibdir. İstər paytaxtdakı, istərsə də, bölgələrdəki müştərilər üçün tam əlçatan olmağı hədəf götürən şirkət, "Hyundai" markasının ölkə üzrə 11 satış və servis mərkəzindən ibarət dilerlər şəbəkəsini formalaşdıraraq avtomobil sektorunda ən geniş xidmət şəbəkəsinə sahibdir.

“Hyundai Motor Company” haqqında

1967-ci ildə təsis edilmiş “Hyundai Motor Company” şirkəti etibarlı avtomobil partnyoru olmağı özünə vəzifə təyin etmişdir.

'İnsanlıq üçün Tərəqqi' marka vizionuna əsaslanan “Hyundai Motor Company”, İntellektual Mobil Həllər Təminatçısına çevrilmə yolunda sürətlə irəliləməkdədir.

Şirkət, robot və Urban Air Mobility (UAM) kimi qabaqcıl texnologiyalara inqilabi mobil həlləri gətirmək üçün investisiya qoyur, eyni zamanda gələcək mobillik xidmətlərini təqdim etmək üçün açıq yeniliklər həyata keçirir.

Ümumilikdə 120 000-dən çox peşəkar işçi heyəti ilə “Hyundai Motor Company” dünya üçün davamlı bir gələcəyin axtarındadır. Şirkət, müxtəlif bazarlar üçün nəzərdə tutulmuş fərqli məhsulları, həmçinin sənayenin qabaqcıl hidrogen yanacaq enerjisi və EV texnologiyaları ilə təchiz olunmuş sıfır emissiya nəqliyyat vasitələri ilə daima öz model sırasını genişləndirir və təkmilləşdirir.